منتديات بلارك
أهــــلأآ وسهــلآ بك زآئرنـآ الكريم في منتدى ودردشة بلآرك ...

للدخول الى الدردشة أتبع الرابط التالي
http://www.hishamo0o.com/


شات ودردشة بلارك
 
الرئيسيةدردشة بلاركبحـثالتسجيلدخول
أهــــلآ وسهـــلآ ومرحبـــآ بـكم فــي شــآت بــلآرك >>> للــدخول الى الدردشة أتبع الرآبط التالي >>> www.hishamo0o.com/

شاطر | 
 

 ازاي تخطفي قلب شاب؟؟؟

اذهب الى الأسفل 
كاتب الموضوعرسالة
Admin_shekoO
Admin
avatar

عدد المساهمات : 252
نقاط : 555
السٌّمعَة : 0
تاريخ التسجيل : 03/08/2011
العمر : 26

مُساهمةموضوع: ازاي تخطفي قلب شاب؟؟؟   الإثنين أغسطس 22, 2011 3:13 pm

إعرفي ازاي تخطفي قلب شاب ؟؟


هديكي نصايح عنهم و صدقيني أثبتت صحتها عمليا بس التزمي بس أنتي و شوفي النتيجة و باريت تفرحينا بالنتايج بكرت دعوة لخطوبة أو فرح ههههههههههههههههههههههههه هههه
و مستنياكي يعني اوعي تضربي طناش اوكي

اما بقا للشباب اللي دخلوا .. الكلام ده في صالحكوا يعني - لا ضغينة -.. اوكي
وطبعا الموضوع ده هيفرحكم اوى


1- الشاب بيبص على البنت الحلوة (لان الله جميل يحب الجمال) بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة .


2- الشاب ميحبش البنت تعاكسه و تترما عليه و تتغزل فيه و في جماله عشان ده دوره هوا المفروض .


3- ممكن الشاب يعجب بيكي للحظة و ينساكي بعديها ولا كأنه شافك قبل كده .


4- لما الشاب يقولك انا مش قادر افهمك هوا يقصد ببساطة انه أنتي مبتفكريش بطريقته أو زيه .


5- "بتعملي إيه ؟" أو "كلتي ولا لسة ؟" دي أول أسئلة يسألها الشاب لما يكلمك على التليفون بدل ما يقعد ساكت أو يقعد يتأتأ .

6- صحيح ممكن الشاب تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها .

7- لما الشاب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك ازبل خلق الله) .

8- ابتسامة فرح جميلة منك بالدنيا واللي فيها عند الشاب .

9- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .

10- لما الشاب يقولك انو عايز يقابل اهلك اوعي ترفضي بل بالعكس شجعيه و اققي جمبه في المعركة عشان تحسي بحلاوة النصر .

11- الشاب بيبقى نفسه يقول ويقول عن نفسه .......... بس مبيعرفش يقول غير عن مغامراته اللي تتصدق بالعافية أو عن شجاعته في خناقة في فلم أكشن

12- على فكرة الشاب بيعيط (مهما بان جامد و قوي مهوا بني آدم برضه) .

13- لما تبقي في بداية علاقة متستعجليش على انك تضايقي الشاب عشان تتخانقوا ..........صدقيني هتتخانقوا هتتخانقوا .

14- الشاب ميعرفش يحلم و يتأمل كتيير زيك و معدوش صبر عايز كل اللي يتمناه يتحقق في ثانية .

15- الشاب يموت عشان يوصل للبنت اللي نفضتله و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .

16- لما توصلي لقلب شاب أنتي كده دخلتي سكة مفيهاش رجعة (دخول الحمام مش زي خروجه) .

17- اوعي تدي شاب رسالة متعلقة زي " عارف... " أو " عايزة أقولك حاجة.... " و تسيبيه كده عشان كدة دماغه هتنط لاستنتاج بعيد أوىىىىىى عن اللي في دماغك .

18- الشاب بيتجنن لما بيلمس ايدك .

19- الشاب لما يكون بيلعب لسانه ده بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه .

20-قولي للشاب أنتي عايزة إيه منه بالظبط من الاول قبل ما تقع الفاس في الراس و بعدين يقول باريت اللي جرى ما كان .

21- لما تقولي لشاب " لأاااه " بيسمعها هوا حاول تاني بكرا (معلش أطرش هههههههههههههه) .

22- الشاب بيكره الشاب الفافي .

23- الشاب بيموت في أمه (يعني كله الا هيا) .

24- الشاب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .

25- متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها .

26- مستحيل تفهمي الشاب إلا لو سمعتيه كويس (فبلاش بقاه تنزلي لوك لوك لوك لوك و اديه فرصة ينطق) .

27- الشب لو قالك بحبك مرة واجدة في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك) .

28- حاسبي ........ الشاب احسن واحد ينشر الإشاعات يعني في خلال ساعة واحدة شباب مصر كلها هيعرفوا اللي عايز يقوله من غير ما يعرفوا صدق والا كذب .

29- زي ما حصل مع امنا حوا و ابونا آدم * أنتي نقطة ضعف الشاب (استغلي المعلومة دي كويس هههههههههه ).

30- صح انك تجربي الشاب الأول قبل ما تصدقي كلامه * بس متسيبيهوش مستني كتير برة دائرة ثقتك .

31- الشاب غالبا بيبقى صريح قوي لما يجي يتكلم عن نفسه .

32- مفيش شاب ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح لواحد بيتكسف من خياله

33- الشاب بيحب البنت المحترمة حتى لو مكانتش أمورة للدرجة .


34- انتيمتك (صديقتك العزيزة يعني) اللي الشاب بيلجألها لو حب يعملك مفاجأة مثلا أو في مشكلة بينكوا وعايز حد يتوسطله مش بعيد ابدا يحبوا بعض هما الاتنين و تخسري الاتنين حبيبك و انتيمتك (وكدة 1000 مبروك خرجتي أنتي من المولد بلا حمص ايد ورا و ايد قدام ) .

35- الشاب لو شكالك همه و حكالك عن مشاكله * هوا مش عايز منك غير انك تسمعيه * واوعي تعملي فيها ام العرييف و تنصحيه في نفس ذات اللحظة (في حموتها ) انما بعديها ممكن .

36- حركة لا إرادية الشاب بيعملها فيكي لما تكوني أنتي حبيبته * يفضل يضايقك و ينرفزك و يغيزك و يعلق على كل كلمة تطلع من بوقك .

37- الشاب لو حبك و كنتي مرتبطة هيلاقي 1000 مليون طريقة يبعدكوا فيها عن بعض و يخليكي تحبيه ( فخلي بالك ) .

38- الشاب بيحب البنت اللي عندها حاجة اسمها عقل مش البنت اللي بتلبس ( مينيي سكرت ) .

39- الشاب بيحاول يجيب الهدية اللي ممكن تعجبك * صحيح بتمثلي انها عاجباكي بس بينا و بيين بعض نادراً لما بتعجبك صح ؟؟؟ هههههههههه .

40- عملياً الشاب بيتفاخر عن كل حاجة تخصه ( ده أساسي يعني هههههههههههه ) .

41- الشاب غالباً عمره ميتآمن على سر خدي بالك بقوا مبيتبلش فيه فولة وده غصب عنوا ديه طبيعة عادي يعني .

42- الشاب دماغه مبتهداش على طول بتودي و تجيب مبيبطلش تفكير ابدا .

43- الشاب خياله واسع قوي (يرمح فيه الخيل يعني . . . ههههههههه) .

44- الشاب دايما لما يدخل علاقة جدية بيكون متملك لأبعد الحدود ( يعني هيقرفك قوي بس لو بتحبيه استحملي دي طبيعة آدم لما يحب) .

45- لما سيادتك تجنني شاب معجب بيعاكسك و تديلوا الطرشة ( تنفضيلوا يعني ) هيتمسك اكتر بيكي و هيلزق هههههههه .

46- غالباً بيكون صعب على الشاب يسيبك و خصوصاً اذا كان بقالكو مع بعض أكتر من 3 سنيين ( يعني لو عمل كدة هيكون بيدوس على قلبه ) .

47- لازم لازم لازم الصراحة يعني تقولي للشاب أنتي بجد مستنية إيه من علاقتكوا ببعض قبل ما تدخولوا في الجد و تقع الفاس في الراس هههههه .

48- تحذير هاااام.. الشاب لازم يجرب الإحساس بالرفض وخصوصاً لو كان من الشوية الأماميير اللي مفيش بنت قدرت تقاوم جمال عيونه (ههههههه قال يعني ) وإلا عمره ماهيكبر و يعقل ويبطل لعب العيال وانا عملت اللي عليا و قولتلك عشان متقوليش اني مقولتش .

49- لو حصلت ظروف مش قد كدة غالباً الشاب بيلوم نفسه أكتر بكتييير منك يا بنوته ده كمان ممكن توصل انه يعمل حاجة في نفسه اوعي تسيبيه في ظروف زي دي اتفقنا ؟ .. عشان ده أكبر وقت بيحتاجك فيه .

50- الشاب عموماً عنده انفعال و شغف انه يتغير للأحسن * بس إرادته للأسف ضعيفة يعني محتاج منك زقة لو مفيش مانع ههههه .

51- الشاب يكون مع الناس كلها واد إيه أسد مرعب محدش يقدر يفتح بقوو معاه * بس يجي معاكي أنتي و يبقى زي القطة المتروضة مش خوف منك لا سامح الله لأ ده من حبه ليكي هههههه ( إوعي تفهميه غلط ).

52- لو الشاب في موقف المفروض يكون متنرفز فيه و هوعمالك عم الكوول اللي أعصابه باردة و ميتعصبش بسرعة * شوفي اذا كان عرقان هتعرفي أد إيه هوا متنرفز .

53- لما الشب يقولك انه مجنوون بيكي * يبقى فعلا حبك عمله جنان و غالباً مش بيكدب .

54- لما الشاب يقولك سبييني في حالي إعرفي إنو بيقولك "بلييز تعالي و إسمعيني" يعني زني عليه عشان يحس انك مهتمة بيه و ان اللي يضايقه يضايقك (بس مش الزن اللي يخنق) .

55-الشاب في الحقيقة غالباً ملوش قرار نهائي ( وخدي بالك من النقطة دي) .

56- لما الشاب يحبك * بيطلع كل الحلو اللي فيه (إكسكلوسف ليكي أنتي و بس) شفتي بقا حبك بيعمل فيه حاجات حلوة إزاي .

57- لما الشاب يسيب التهريج و يبقى عايز يتكلم بجد * إسمعيه و وريه اد إيه أنتي مهتمة .

58- لو الشاب فضل ساكت و قافل بقوو متقلديهوش و تقعديلي ساكتة أنتي كمان انطقي و حاولي بكلمتيين كدة تظبطي القاعدة و تدوبي التلج اللي انتو فيه .

59- الشاب ما بيآمنش بالحب من أول نظرة على عكس معظم البنات * وبرغم كده بيعاكس برضه لحد مايقع من غير ما حد يسم عليه و ساعتها بس هيآمن و يبصم بالعشرة ان في حب كدة .

60- الشاب بيحب في البنت أنوثتها بس ميحبش ضعفها يعني انوثة و قوة مع بعض و حلي بقى أنتي المعادلة الصعبة دي .

61- الشاب ميحبش البنت المسترجلة اللي البوكس منها يودي الواحد روسيا بس من غير طيارة هههههههههه .

62- الشاب ممكن يضيع وقته في متش كورة أو في لعبة بليستاشن أو كومبيوتر (في الوقت اللي أنتي مشغولة بافكارك الرومانسية اللي بتشوفيها في الافلام الابيض و اسود) اوعي تتضايقي بالعكس خدي الموضوع ببساطة و لو مفيهاش رخامة حاولي تشجعي معاه أو حتى تلعبي معاه
الرجوع الى أعلى الصفحة اذهب الى الأسفل
http://blark.mam9.com
زفتي الغربيه

avatar

عدد المساهمات : 30
نقاط : 44
السٌّمعَة : 0
تاريخ التسجيل : 21/08/2011

مُساهمةموضوع: هههههههههههههههههه   الإثنين أغسطس 22, 2011 3:15 pm

احنا وخدين حظرنااااا برده ومتخفووووش مش هنقع فيكم هههههههههههههههههههههههههه


Laughing Laughing Laughing Laughing Laughing Laughing Laughing Laughing Laughing
الرجوع الى أعلى الصفحة اذهب الى الأسفل
Ś ā Ŕ Ā

avatar

عدد المساهمات : 7
نقاط : 11
السٌّمعَة : 0
تاريخ التسجيل : 04/08/2011

مُساهمةموضوع: رد: ازاي تخطفي قلب شاب؟؟؟   الإثنين أغسطس 22, 2011 11:22 pm

Cool
الرجوع الى أعلى الصفحة اذهب الى الأسفل
ميرا الاميرة

avatar

عدد المساهمات : 152
نقاط : 339
السٌّمعَة : 0
تاريخ التسجيل : 23/08/2011
العمر : 24
الموقع : في قلب من احب

مُساهمةموضوع: رد: ازاي تخطفي قلب شاب؟؟؟   الأربعاء أغسطس 24, 2011 3:54 pm

بجد الموضوع يجنن هههههههههههههههه وحلو كتيير والكلام كلو مظبوط ههه يسلمو cheers cheers
الرجوع الى أعلى الصفحة اذهب الى الأسفل
Admin_shekoO
Admin
avatar

عدد المساهمات : 252
نقاط : 555
السٌّمعَة : 0
تاريخ التسجيل : 03/08/2011
العمر : 26

مُساهمةموضوع: 000000000000000000000000000   الأربعاء أغسطس 24, 2011 8:41 pm

Very Happy Very Happy Very Happy Very Happy
merci
الرجوع الى أعلى الصفحة اذهب الى الأسفل
http://blark.mam9.com
 
ازاي تخطفي قلب شاب؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بلارك :: الاصدقاء :: عالم البنات-
انتقل الى: