اسمحيلى بالوداع

اسمحيلى بالوداع مابقتش قادر اخدعك
اصلى ضعت وقلبى ضاع والحل انى اودعك
كنتى بالنسبة لى لعبة ...
لعبت بيها فى دنيا صعبة
لكن قلبى رق حبة ورفض يكمل الخداع
فاسمحيلى بالوداع ****
بكل قسوة لعبت دورى
وكويت بنار الغدر قلبك
لكن بجد عرفت ذنبى بعد مادوبت وقلبى حبك
قررت ابعد عن حياتك قبل ماتنسى فى لحظة ذاتك
وتنسجى فرحى باهاتك وبعدها تعيشى الضياع
فاسمحيلى بالوداع ***
الحب بينا اصبح حطام حرفين خلاص اتفرقوا
وازاى نخلى قلبين بعاد يميلوا لحظة ويعشقوا
خلاص بقى حاسيب عيونك ومستحيل تانى اخونك
اصلى خلفت كتير ظنونك والنتيجة قلبى ضاع

فاسمحيلى بالوداع